BACOLOD CITY– Gin-molestiya sang isa ka lalaki ang anak sang iya live-in partner sa Quezon City, kahapon nga adlaw sang Miyerkules, Oktubre 12, 2022.
Takna las-10 sang gab-i sang nadakpan sang Quezon City Police District (QCPD) Station 6 ang lalaki nga nag-molestiya sa 8-anyos nga anak sang iloy.
Suno sa iloy, nagapanilag lang siya sa gawi sang lalaki kag nakibot ini sang gin-saysay sang anak ang ginahimo sa iya sang lalaki.
Naglakat ang mag-iloy sang police station para mag-pahayag sang gakatabo sa ila balay.
Dugang pa sang iloy, ginasakit man sang lalaki ang bata kag siya man mismo.
Nag-responde naman ang mga kapulisan sa balay sang biktima kag gindakop ini.
Iga-refer naman ang bata sa social services development sa Quezon City agud mapaidalom sa counseling.
Pagapamatbatan naman ang lalaki sang kaso nga rape kag child abuse kag nakahunong ini sa Batasan Police Station.*