Ginbawian sang kabuhi ang 11-anyos nga bata bangud sa rabies virus sa banwa sang Matalam, sa probinsya sang Cotabato.
Gilayon nga ginlubong ang bata nga residente sang Barangay Taguranao agud mapunggan ang paglapta sang rabies sa lugar, suno sa otoridad.
Nahibaluan nga nagabakal ang bata nga lalaki sa tiyangge sang hinali na lamang ini ginkagat sang ido.
Gindala ang bata sa ospital matapos nakitaan sang sintomas sang rabies apang wala na ini nasalbar sang mga doktor.
Sa karun, gina-monitor kag inhatagan naman sang mga otoridad sang anti-rabies vaccine ang himata sang biktima agud mapunggan ang paglapta sang virus.