- Advertisement -
TOBOSO, NEGROS OCCIDENTAL– Patay ang isa ka lalaki matapos ginlabo sa Sitio Burgos, Barangay General Luna, Toboso, Negros Occidental kaina sang kaagahon, Abril 18, 2023.
Ginkilala ang biktima kay Romeo Mahilum, may asawa samtang ang suspek ang ginkilala kay Vencio Perez, lunsay mga residente sang nasambit nga lugar.
Suno sa report, samtang naga-inom-inom ang duha, nagdangat ang ila istorya sa wala pag-intyendihanay kag didto na ginkuha ni Perez ang matalom nga armas sa ila balay kag ginlabo ang suspek.
- Advertisement -
Ginhingagaw pa dala sa ospital ang biktima apang ginbawi-an ini sang kabuhi.
Matapos sang siyam ka oras, naaresto ang nakapalagyo nga suspek.
Nakahunong karon si Perez sa Toboso Municipal Police Station.*
- Advertisement -
