Duha ka lalaki arestado sa kaso nga illegal importation or exportation of fishery species

EB MAGALONA, NEGROS OCCIDENTAL– Pinaagi sa warrant of arrest, duha ka lalaki ang gin-aresto sa kaso nga illegal importation of exportation of fishery species ukon paglapas sa Section 97 sang Republic Act 8550 kahapon, Abril 17, 2023.

Ginkilala ang mga gin-aresto nga sanday Jay-ar Jayona, 38-anyos kag si Roland Formales, 34-anyos lunsay mga residente sang Hacienda Balili, Barangay Gahit, EB Magalona, Negros Occidental.

Gin-isyu naman ni Judge Leonardo Facultad sang Silay City Regional Trial Court Branch 69 ang warrant of arrest sadtong Abril 14, 2023.

May bail bond naman ang duha sang kapin P60,000 each para sa temporaryo nila nga kahilwayan.

Nakahunong karon ang duha sa EB Magalona MPS.*