NEGROS OCCIDENTAL– Isa ka hacking incident ang nagluntad kahapon sang hapon, Pebrero 12 sa Sitio Balabag, Barangay Nataban sa siudad sang San Carlos, Negros Occidental.
Ginkilala ang mga biktima sanday Richard Lugatiman, 29-anyos kag si Leonardo Madrid, 35-anyos apang ang mga suspek ang ginkilala sanday Fernando Madrid alias “Lando” kag si Ronald Lugatiman, 24-anyos.
Ang apat ka mga persona ang lunsay mga residente sang nasambit nga lugar.
Una nga natabo ang insidente sa tunga nanday Richard kag Fernando.
Suno sa report, imbolbado sanday Richard kag Fernando sa bulang kag naglalisanay ang duha rason sang gintunaan sang paglabo ni Fernando kay Richard sa liog.
Ginlayon gindala sa ospital si Richard.
Sa pihak nga bahin, nakita naman ni Ronald ang paglabo sa iya utod kag gin-agaw ang matalom nga armas apang nagkadto ini sa direksyon ni Leonardo kag ginlabo si Ronald.
Pagkatapos sang insidente nagsungka si Ronald sa kapulisan apang kaina lang sang aga nagsungka si Fernando.
Pagapasakaan naman sa kaso nga frustrated homicide ang mga suspek.*
