CAUAYAN – Nagadangat sa ginabulubanta 100 ka mga karton sang ‘smuggled’ nga sigarilyo ang nakumpiskar sang kapulisan sa Purok 3, Brgy. Isio, banwa sang Cauayan las tres sang kaagahon sang Domingo, Pebrero 12.
Ginkilala ang mga suspetsado nga sanday Dandy Calago, 28-anyos nga residente sang Brgy. Polangco sa siudad sang Dipolog kag sanday Joel Carvana, 42-anyos kag Rolando Lanario, 27-anyos; lunsay mga residente sang Brgy. Tuguis sa banwa sang Hinigaran.
Base sa report sang Cuayan Municipal Police Station, wala sang nagakaigo nga mga dokumento ang mga suspek kag ginkumpiskar sa ila ang ginabulubanta 100 ka mga karton sang smuggled nga mga sigarilyo nga nagabalor sang P2 milyones.
Gindala ang mga suspek kag mga sigarilyo sa nasambit nga police station para sa nagakaigo nga disposisyon.
