Lalaki naglumpat sa taytay matapos nahulog sa suba ang iya kwarta nga gin-withdraw sa 4Ps

Padayon sa gihapon ginapangita sang Municipal Disaster Risk Reduction and Management Office (MDRRMO) Libmanan Camarines Sur ang isa ka lalaki nga naglumpat halin sa PNR Bridge sang Barangay Potot sa nasambit nga banwa sadtong Huwebes, Nobyembre 17.

Ginkilala ang biktima nga si Joebeth Galletes, 40-anyos kag residente sang Barangay Malansad Viejo, Libmanan.

Sandig sa report, bitbit ni Galletes ang envelop nga may unod nga ATM card kag kwarta nga nagabalor sa P16,000 tubtob nga nahulog ini sa suba.

Agud isalbar ang kwarta, naglumpat halin sa nasambit nga taytay si Galletes.

Nahibaluan nga indi kabalo maglangoy ang lalaki kag sa karun, ginapangita pa ini sang mga otoridad.*

via MDRRMO LIBMANAN