Ginpahayag ni Agriculture Undersecretary Domingo Panganiban nga luyag sang gobyerno nga mag-import sang 7,000 metric tons sang red onions samtang nagdangat na ang retail price sini sa P300 kada kilo.
Suno kay Panganiban, ila na ginmanduan ang Bureau of Plant Industry agud hibaluon kung may kakulangan sa supply sang bombay bangud padayon ang pagsaka sang presyo sini apisar sang gina-impose nga P170 suggested retail price.
“I saw that the retail price reached P300 per kilo. I called the BPI to take a survey and see what can be done on whether we need to import,” suno kay Panganiban.
Ginpasalig naman ni Panganiban nga indi maka-apekto ang importation sa lokal nga produksyon sang bombay bangud iga-ani pa man lang sang mga mangunguma ang ila natanom nga bombay.*
