Patay ang lalaki matapos ginluthang patay sang mga suspek nga nagasakay sa motorsiklo sa Sitio Chloe, Barangay Riza sa ciudad sang Sagay, Negros Occidental, takna las 7:30 sini nga gab-i, Marso 10, 2021.
Nakaagum ang 57-anyos nga biktima nga ginkilala kay Antonio Gallo, sang tiro sa guya. Siya ang gin-deklarar nga dead on arrival sa ospital.
Sandig sa imbestigasyon sang Sagay Police Station nga si Gallo ang nagapungko samtang nagalantaw sang TV sa ila balay sang ang isa ka motorsiklo nga may sakay nga duha sa persona ang nagdulog.
Isa sa mga sakay sang motor ang nagtiro kay Gallo kag nagpalagyo sa wala pa nahibaluan nga direksyon.
Nagasuksok sang jackets, masks, kag scarfs ang mga suspek.
Nakuha sa dingding sang balay ang isa ka deformed slug.
Padayon pa ang imbestigasyon sa motibo kag identity sang gunman kag drayber sini.*
