Wala na matabangan ang isa ka lalaki nga gin-alegar may deperensya sa paminsaron sang natapakan sang truck nga may karga nga tubo sa atubangan sang paradahan, malapit sa barangay hall sa Dalan Rizal, Barangay Dos Hermanas sa ciudad sang Talisay, Negros Occidental, sini lang nga hapon, Pebrero 26, 2021.
Ginkilala ang biktima nga si Eden Molavin, residente sang Purok Gabi sa nasambitan nga barangay, suno kay Master Sgt. Michael Mcdowell, chief investigator sang Talisay Police Station.
Sandig sa traffic investigation sang kapulisan, nagapadulong nakatungdan ang 6-wheeler nga Fuso Truck, sang natapakan sang pang-ulihi nga guma sini si Molavin, nga nagapanglakaton padulong sur sang dalan.
Temporaryo naman nga gin-detain ang drayber sang truck nga ginkilala kay Ernesto Miabo, residente sang ciudad sang Silay, Negros Occidental sa Talisay Police Station.
Gindala ang bangkay ni Molavin sa Manapla Funeral Homes sa Silay.*
