Lalaki nga may kaso sang 2 counts of sexual abuse, arestado sa Silay City

Dakop ang isa ka 38-anyos nga lalaki matapos ini ginpapanaugan sang warrant of arrest bangud sa kaso nga 2 counts of sexual abuse.

Ginkilala ang nadakpan nga si Hernie Sombria Jilomena, soltero kag taga Hacienda Masiginon, Brgy. Guimbalaon, Silay City, Negros Occidental.

Suno sa report gikan sa Silay City Police Station, ala-1:21 ang takna sang hapon, Setyembre 8, 2023 dala nila ang warrant of arrest para sa akusdado kag nadakpan si Sombira sa nasambit nga lugar.

Sa karon ang suspetsado ang yara sa kustodiya sang Silay City Police Station kag magapangatubang sang iya sini nga kaso, apang may gin-rekomendar naman nga piyansa ang korte nga P400,000 para sa iya temporaryo nga kahilwayan.