Halos magsululuka ang isa ka netizens sang makita niya ang wipes sa ginakaon nga pochero sa isa ka restaurant sa Naga, Cebu.
Base sa iya post sa Facebook, ginpakigbahin ni Amelita Alinsonorin ang iya makangilil-ad nga eksperyensya kalakip ang mga litrato sang wipes nga gina-alegar ginlakot sa iya ginkaon nga pochero.
“Inyo pochero lami kaayo, lami kaayo ug subak wipes. Onya ang wipes naa pa gyud pula2x onsa tong pula2x naa sa wipes ketchup or lipstick? Pag sure mo dha oi perte pa namo higop sa sabaw sa pochero kai lage gusto tang mainitan atong tiyan onya diay inyo gisubakan ug wipes,” pahayag ni Alinsonorin.
Suno pa kay Alinsonorin, nagluntad ang insidente sadtong Lunes sang gab-i, Setyembre 4, 2023.
Nangayo naman sang pasaylo sa kostumer ang management sang nasambit nga restaurant. Gina-imbestigaran naman sang sanitary department sang siudad ang ini nga insidente.*
