Arestado pinaagi sa arrest warrant ang isa ka anay Punong Barangay sa kaso nga pagpatay sa syudad sang Escalante.
Sa pagpamuno ni Police Major John Ganzon, Escalante City Police station warrant section, nag serbe sang mandamiento de aresto sa may bahin sang FC Ledesma St., San Carlos City, mga takna alas-11 pasado sang aga, Martes nga adlaw, Setyembre 12, 2023.
Ang suspek ginkilala kay Macario Bayeta y Flor, 71-anyos nga residente sang Brgy. Langub, Escalante City.
Ang arrest warrant sa kaso nga pagpatay ang nga gin isyu kag ginpirmahan ni Hon. Amy Alabado Avellano, Presiding Judge, RTC, Sixth Judicial Region, Branch 58, San Carlos City, nga naka petsa sadtong Setyembre 8, 2023.
Sa karon yara na sa paghinakop sang Escalante City Police station ang suspetsado kag wala naman sang piyansa nga gin talana ang korte para sa iya temporaryo nga kahilwayan.
