Nakuhaan sang video ang tapungulay sang drayber kag rider sa tunga sang karsada sa Davao City.
Base sa report sang GMA Regional TV, makita ang isa ka babayi kag isa ka lakaki nga may kapyot nga helmet nga ginakompronta ang driver nga yara sa sulod sang awto sa tunga sang karsada.
Matapos ang pila ka minutos, ginhampak sang lalaki ang bintana sang awto gamit ang iya kapyot nga helmet.
Nanaog ang driver sang awto kag didto na sila nagtapungulay sang rider. Nauntat lamang ang inaway sang gintambagan na sila sang mga tawo.
Suno kay Police Captain Hazel Tuazon, Spokesperson sang Davao City Police Office (DCPO), nga nasag-idanay ang duha ka salakyan sa Barangay San Antonio Agdao tubtob nga makalab-ot sila sa Barangay Ubalde.
Maayo na lamang nga wala sang dala nga armas ang mga imboldado sa kinagamo. Wala pa sang pahayag ang mga imboldado nga lunsay nagpasaka sang reklamo.
Gin-abisuhan naman ni Tuazon ang mga motorista nga likawan nga mangakig kag i-report na lamang sa kapulisan kun may mga indi pag-intindihanay sa karsada.*
