NASA, maga-publish sang madugay na nga ginahulat nga report parte sa UFO

Natalana nga maga-publish ang NASA sini nga Huwebes, Setyembre 14, 2023 sang findings sa madugay na nga ginahulat nga pagtuon angut sa unexplained flying objects ukon UFO sa kahawaan sang kalibutan.

Gin-anunsyo sang US space agency tinalikdan nga tuig nga gina-review nila ang mga ebidensya may angut sa unidentified anomalous phenomena ukon UAPs, ang term nga opisyal nga gin-ilis sa tinaga nga “UFO”.

May 16 ka mga researchers nga nagpakigbahin na sang ila preliminary observations sadtong Mayo, kun diin nakit-an nga ang existing nga datos kag eyewitness reports ang indi bastante agud maka-conclude na angut sa UAPs.

Masobra 800 na ka mga “events” ang nakolekta sa sulod sang 27 ka tuig, kun diin 2-5 porsyento diri ang posible “anomalous”.