Pinas, nalapawan ang China bilang “top rice importer” sa kalibutan suno sa USDA

Nagapanguna na ang Pilipinas sa pag-import sang bugas sa bilog nga kalibutan, suno sa US Department of Agriculture (USDA).

Bangud sini, nalapawan na sang Pinas ang China bilang “world’s top rice importer,” base sa pinaka-latest nga report sang USDA nga “Grain: World Markets and Trade.”

Suno sa report, ginabulubanta nga nagdangat sa 3.9 million metric tons ang total nga rice importation sang Pilipinas humalin 2022 tubtob 2023 na trade year. Ini ang mataas kung ikumparar sa 3.5 million metric tons sang China.*