Lalaki nga wala sang ubra gin-alegar naghikog sa La Castellana

LA CASTELLANA, NEGROS OCCIDENTAL– Patay ang isa ka lalaki matapos gin-alegar gin-utas ang kaugalingon nga kabuhi sa La Castellana, Negros Occidental kaina sang kaagahon, Lunes, Oktubre 16, 2023.

Naga-edad sang 28-anyos ang biktima, may asawa, wala sang ubra, residente sang nasambit nga banwa.

Suno sa report sang kapulisan, nagpangayo sang bulig ang utod sang biktima sa talatapan sang mga pulis bangud gin-alegar naghikog ang iya nga utod.

Nahibalu-an nga nakita na lamang sang iya iloy nga wala na sang kabuhi ang iya anak samtang nagabitay ang liog sa balayan mismo sang ila balay.*