6-anyos nga bata nga Muslim ginbuno-patay sa Illinois, US

Ginbawian sang kabuhi ang 6-anyos nga bata nga Muslim matapos ini ginbuno-buno sang 71-anyos nga suspek sa Illinois, US sang Domingo, Oktubre 15, 2023.

Suno sa isa ka opisyal kag Muslim righst activits, gina-alegar nga target sang suspek ang mag-iloy bangud sa ila nga rehiyon kag nagakatabo nga giyera sa tunga sang Israel kag Hamas.

Base sa report sang Reuters, nakaangkon sang 26 ka buno gamit ang military-style nga kutsilyo ang bata samtang ang iloy sini nga 32-anyos ang pilason naman bangud sa pagpang-atake sang suspek.

Nagapangatubang naman sa sampaw-sampaw nga kaso sang pagpatay ang 71-anyos nga suspek nga ginkilala kay Joseph Czuba.*