Natigayon nga madakpan sang mga katapo sang Criminal Investigation and Detection Group (CIDG) ang isa ka lalaki nga nagpanago sa sulod sang duha ka tuig matapos ini nga ginpatay kag ginkaon pa ang iban nga parte sang lawas sang iya biktima sa Barangay Igolot sa Bocaue Bulacan.
Suno kay Lt. Col. Luke Ventura, CIDG provincial officer, ang nadakpan nga suspect ang ginkilala kay Marlon Castillo Cruz, 42, sang Mercado Street, Barangay Tiaong, Guiguinto, Bulacan.Suno kay Ventura, nadakpan si Cruz pinaagi sa iya nga warrant of arrest nga gin-isyu ni Judge Caroline Soriano-Rojas, ang presiding judge, sang 3rd Judicial Region, RTC Branch 84, sa siudad sang Malolos sa kaso nga murder.
Sandig sa record sang mga otoridad, ginbuno ni Cruz tubtob nga mapatay sini ang biktima nga si Roger Herrera, sang Barangay Tabe, sa banwa man sang Guiguinto tinalikdan nga Hulyo 2019.
Ang biktima ang nakaangkon sang duha duh aka stab wounds sa dughan nga gintunaan sang iya gilayon nga kamatayon.Santo naman sa report, ginkaon pa sang suspek ang bahin sang tiil ni Herrera samtang naga-inom ini sang makahulubog nga ilimnon antes niya ginsunog ang bangkay sang biktima.
Sa karon ang suspek ang nakadetain na sa Bulacan CIDG para sa dugang nga imbestigasyon kag dokumentasyon.
