LALAKI PATAY MATAPOS MALUMOS SA HIMOGAAN RIVER, SAGAY; DUHA KA KAUPDAN WALA PA MAKIT-AN

Patay ang isa ka lalaki samtang padayon pa nga ginapangita ang iya mga kaupdanan matapos malumos sa Himogaan River Brgy. Paraiso, syudad sang Sagay sini nga adlaw sang Domingo, Abril 11.

Narekober ang bangkay sang lalaki nga ginkilala kay Jerry Magada, 52 anyos sang Purok Hillside, Brgy. Poblacion 2 sang nasambit nga syudad.

Suno sa inisyal nga impormasyon, naghinagaray nga magpanguha sang kayog kanday Jerry Magada kag duha pa gid sini ka mga kaupdanan sang nagkalit nga nag saka ang tubig sa suba kag nag baskog ang current rason nga wala na maka luwas pa ang tatlo.

Sa karon, padayon pa ang ginahiwat nga search and rescue operation sang mga otoridad.

with reports from RBSFM North Negros