Lapsag ginbun-ag sa firetruck kadungan sang Bagyong Paeng

BACOLOD CITY– Ginbun-ag ang isa ka lapsag sa firetruck kadungan sang paglaslas ni Bagyong Paeng sa Casiguran, Aurora kahapon, Oktubre 29.

Suno sa Bureau of Fire Protection (BFP)- Casiguran, nakabaton sila sang tawag takna las-6 sang gab-i nga may isa ka babayi nga manug-bata sa Barangay Dibacong.

Gilayon gin-rescue nila ang babayi kag pagadal-on kuntani sa malapit nga ospital apang naka-guwa na ang lapsag paghigda sang babayi sa firetruck.

Gindala na lamang sang firetruck ang mag-iloy sa Casiguran District Hospital agud magpahuway.*