Sa una nga pito ka bulan sang tuig 2022, nagpanguna ang balatian sa korason, cerebrovascular disease kag cancer bilang rason okon gintunaan sang pagkalamatay sang mga Filipino sa pungsod.
Base sa record sang Philippine Statistics Authority (PSA), nagsaka na sa 311,921 ang kadamuon sang mga nagkalamatay sa Pilipinas, bangud sang heart disease kag iban pa nga mga balatian.
Yari ang kadamuon sang mga nagkalamatay sa pungsod bangud sang nasambit nga mga balatian:
Ischemic Heart Disease – 57,899 ang nagkalamatay
Cerebrovascular Disease/stroke kag aneurysms – 32,354
Neoplasms okon cancer – 31,487
Yari ang iban pa gid nga mga balatian nga gintunaan sang pagkalamatay sang mga Pilipino:
Diabetes – 20, 107
Hypertensive diseases – 17,999
Ikanapulo naman sa ranking ang COVID 19 nga gintunaan sang kamatayon sa mga Pilipino sini nga tuig, sa diin 12,083 ang nabawian sang kabuhi.