LGBTQ COUPLE GINKASAL SA LAGUNA

Ginpamatud-an sang gay kag lesbian couple nga “true love wins” sang ginkasal ang mga ini sa Laguna sadtong tinalikdan nga Miyerkules, Hunyo 23.

Sa mga laragway nga ginpakigbahin ni Tiffany Futari sa Facebook, makit-an nga nakasuksok siya sang dirty white nga gown samtang si Letli Evangelista naman ang naka-beige-colored suit.

Naga-live in na ang duha sa sulod sang duha katuig kag nangin tuman ang suporta sang ila pamilya sa ila relasyon.

Nagpasalamat naman si Tiffany sa tanan nga mga nagbulig sa ila nga kasal.

“Sa lahat po ng nasa likod para maisakatuparan ang lahat ng ito maraming maraming salamat po hindi kuna po kayo iisa isahin, I love you all and God bless you all.”