Libre nga COVID-19 Vaccination Ginpatigayon sa Isa Ka Mall sa Bacolod

Nagpatigayon sang libre nga COVID-19 vaccination sa mga prayoridad nga grupo ang Emergency Operations Center (EOC) kag ang COVID-19 Vaccination Council (CoVaC) sa Ayala Malls Capitol Central, subong nga Sabado, Mayo 8.

Ini agud ma-akomodar ang nabilin nga frontline healthcare workers, senior citizens kag persons with comorbidities.

May 1,690 na ka mga Bacolodnons nga nabakunahan sang EOC kag CoVaC sa SM City halin Lunes tubtob Huwebes.

Magasugod liwat ang libre nga vaccination sa SM City Mall sa Lunes, Mayo 10. Sila ang maga-accommodate lang sang mga naka-kumpleto sang ila vaccination registration kag nakabaton sang tawag ukon text halin sa EOC sang ila kumpirmado nga appointments.*