BACOLOD CITY – Gin-aprobahan sa first reading sang Bacolod Sangguniang Panlungsod ang gin-proposed nga ordinansa nga magahatag sang maintenance medicine para sa hypertension kag diabetes sa tanan nga senior citizens nga pumuluyo sang syudad sang Bacolod.
Suno sa ordinansa ni Councilor Celia Flor, bangud sang kakulang sa pondo, ang mga pigado nga senior citizens ang indi makabakal sang ila maintenance medicines kag ma-sustain ang ila adlaw-adlaw nga panginahanglaon, gani nagakinahanglan ini sang bulig pinansyal halin sa gobyerno.
“As to which this ordinance aims to provide medical assistance to the resident senior citizens by appropriating funds to the Bacolod City Health Department for the purchase of maintenance medicines, exclusive for the city’s indigent senior citizens,” suno sa press release sang Bacolod PIO.
Kung ini nga ordinansa ang ma-approve, ang mga indigent nga senior citizens nga may ID sang Office of Senior Citizen Affairs kag nakapaidalum sa libre nga check up kag may resita halin sa City Health Office ang maka-avail sang libre nga bulong.*
