Ginpahibalo sang Bureau of Animal Industry (BAI) nga nadiskubrihan ang balatian nga African Swine Fever okon ASF sa lima pa gid ka mga lugar sa probinsya sang Cebu nga ginalakipan sang Bogo, Cebu City, Liloan, Sibonga kag Tuburan.
Nagpaandam ang BAI nga makamamatay kag makalalaton ang nasambit nga balatian sa mga baboy.
Sa karon wala pa sang vaccine para sa ASF gani isa ka daku nga pagpanghangkat para sa industriya ang pag kontrol sa virus nga indi maglapta sa iban pa nga mga lugar.
Una nga na detect sa Carcar city sa probinsya sang Cebu ang ASF.
Nagapadayon pa ang pagpakig-angut sang BAI sa Department of Agriculture-Central Visayas kag local government units , agud makatipon sang dugang nga datus kag reports gikan sa mga lugar nga ginasuspetsuhan may kaso sang ASF.
