Patay ang lima ka persona samtang isa ang kritikal matapos maiguan sang kilat sa Camp Madigger, Barangay Binaton, Digos City, Davao del Sur, takna las 5:30 sang hapon, Domingo, Abril 9, 2023.
Ginkilala ang mga napatay sanday Glendelle Joy Villocino, 17-anyos; Valerie Asutilla, 23-anyos; Geramie Cartagena, 18-anyos; Jonmel Galicia, 19-anyos; kag 15-anyos nga lalaki, samtang padayon naman nga ginabulong sa ospital si Clarence Cate Chatto, 21-anyos.
Sa report sang Remate, nagguwa sa imbestigasyon sang kapulisan nga sang papauli na kuntani ang mga biktima gikan sa camping sa Camp Madigger, na-abtan sila sang mabaskog nga ulan nga may kaupod nga mabaskog nga kilat.
Bangud diri, na-iguan ang mga biktima sang kilat nga nagresulta sang pagkapatay sang lima samtang padayon naman nga gina-obserbahan sa ospital si Chatto.*