Gilayon nga gindala sang katapo sang Toboso DRRM sa ospital ang isa ka 5 ka tuig nga bata matapos ini malumos sa baybayon sang Prk. Punta Cruz, Brgy. Poblacion, banwa sang Toboso, Negros Occidental takna las 12:08 sang udto sini nga Lunes, Abril 10.
Sa interview sang Radyo Bandera kay Ldrrmo Head Engineer Hospicio Carbajosa, ginpahayag sini nga taga-So. Mina-unom, Brgy. San Isidro, Toboso ang pamilya sang bata nga nagapaligo sa nasambit nga lugar.
Duang pa ni Carbajosa, wala matalupangdan sang amay ang pagkadula sang bata bangud una ini nakit-an nga nagakaon.
Apang, hinali nalang nagkinagamo ang bilog nga pamilya sang nakit-an ang bata nga naga lutaw-lutaw sa ginaliguan.
Mayo na lamang nga may naka-standby nga ambulansya sang DRRM malapit sa ila ginapaligu-an rason nga nahingahaw rescue ang bata.
Sa karon gina-obserbahan na ang sitwasyon sang bata nga gin-admit sa Escalante City Hospital para sa nagakaigo nga medikasyon, base kay Carbajosa.*
