Linibo ka mga pumuluyo ginalauman nga magadagsa sa lubong ni Governor Degamo

Ginalauman na ang pagtipon sang masobra 10,000 ka mga pumuluyo sa probinsya sang Negros Oriental agud magdul-ong kay Governor Roel Degamo sa iya katapusan nga palahuwayan.

Sa banwa sang Siaton, igalubong ang bangkay sang gobernador , matapos ang misa sa isa ka simbahan Katoliko nga gintalana sini nga Huwebes sang hapon, Marso 16.

Miyerkules sang hapon, Marso 15, linibo na ang nagtiner sa compound sang mga Degamo sa Barangay Bonawan, banwa sang Siaton.

Ginpanugyan naman sang otoridad sa mga motorista, nga likawan ang dalan sa Barangay Bonawan bangud sang ginalauman nga problema sa trapiko.*