Kabutigan kag pagtimalos, ini ang ginpahayag ni Jasper Tanasan alias “Bobong Tanasan” matapos mapasakaan sang kaso nga murder batok sa pagpatay kay Negros Oriental Board Member Miguel Dungog sadtong 2019.
Sa interview sang isa ka news source, ginpahayag ni Tanasan nga paano ini siya mangin kabahin sang krimen kun yara ini sa prisuhan sang natabo ang pagpatay.
“Hindi ko alam na may kaso ako. Transparent ako sa lugar namin sa Hinoba-an, Negros Occidental. Hindi ako nagtatago, naghahanap ako ng kasama sa hanapbuhay kasama ang pamilya ko. Nagtrabaho ako doon sa LGU Hinoba-an.” suno kay Tanasan.
Sadtong 2012, napriso si Tanasan bangud nakuhaan ini sang iligal nga armas kag explosives sa ila balay apang nakaguwa ini sa prisuhan sadtong Disyembre 2019, siyam ka bulan ang nagligad sang napatay si Dungog.
Ginluthang-patay si Dungog sang riding-in-tandem samtang nagapatigayon sang kampanya bilang Sangguniang Panlalawigan sa idalom sang patido sang mga Degamo.*