LPG tank truck nagdaba-daba sa NLEX

Nagresulta sang trapiko sa North Luzon Expressway kahapon, Abril 9 matapos magdaba-daba ang isa ka LPG tank truck sa tunga sang Pulilan viaduct.

Bangud sa sunog, ginsirad-an ang dalan sang NLEX, southbound kag northbound apang temporaryo nga naglabay ang mga motorista sa Mac Arthur Highway.

Nagsugod ang sunog las-3:00 sang hapon apang gindeklarar nga fireout las-4:26, malapit isa ka tunga nga oras ang kalawigon.

Ginbuksan liwat ang lanes las-4:30 sang hapon.

Wala naman sang may nasamaran sa insidente.

Sa subong nagapadayon ang imbestigasyon sang Bureau of Fire Protection may angut sa sunog samtang linibo ka mga motorista ang apektado kahapon.*