NEGROS OCCIDENTAL– Arestado ang isa ka lalaki sa ginpatigayon nga buy-bust operation sa Osmeña Avenue National Highway, Barangay 5, Victorias City, Negros Occidental kagab-i, Abril 9, 2023.
Ginkilala ang lalaki kay Lloyd Arriola alias “Lloyd”, 42-anyos, may asawa, ginakabig nga newly identified target kag residente sang Yap Quiña Subdivision, Barangay 3, sa kapareho nga lugar.
Narekober kay Lloyd ang lima ka pakete sang “shabu” lakip na ang buy-bust item, P500 nga buy-bust money, cellphone, paper envelope kag scooter.
Ginabulubanta nagabug-at ang “shabu” sang lima ka gramos kag nagabalor sang P34,000.
Nakahunong karon si Lloyd sa Victorias City Police Station.*