Bacolod City, Negros Occidental-Gin lockdown subong nga adlaw ang Land Transportation Office sa Bacolod City nga epektibo tubtob buwas nga adlaw, Hulyo 29, 2020 matapos magpadulong sa nasambit nga talatapan ang isa ka residente sang Victorias City nga positibo sa COVID-19.
Sa live interview sang Radyo Bandera Sweet FM Bacolod 103.9 kay Victorias City Mayor Frederick Palanca, iya ginpalayag nga isa ka APOR ang pasyente kag isa ka driver sang trucking.
Nagdala ini sang iya trucking kag nagpadulong sa Talisay City agud magdeliver.
Siya ang nagpadulong sa Bacolod City agud maghulam sang motor kag sadtong Hulyo 16 kag 17 nagpadulong sa LTO Bacolod agud magproseso sang iya driver’s license.
Matapos sini, siya ang nagpuli sa Victorias kag nahibaluan nga positibo ini sa COVID-19.
Bangod sini, gin-trace ang iya nakaupod inom-inom kag mga pamilya agud ipaidalom sa home quarantine.
