Nagakaagnas na sang masapwan ang mag-asawa nga senior citizen sa sulod sang ila nga balay sa Sitio Wayang, Barangay Poblacion, banwa sang Hamtic, Antique.
Ginkilala ang mag-asawa nga sanday Loreto kag Anastacia nga lunsay mga senior citizen.
Base sa inisyal nga imbestigasyon, ginapatihan nga ginpatay sang bana ang iya kaugalingon bangud sa kasubo sini sa pagkapatay sang iya asawa nga may balatian.
Samtang, nagapati naman ang mga kapulisan sa lugar nga wala sang foul play nga natabo bangud naka-padlock pa ang balay kag nakaputos pa sa habol ang bangkay sang asawa.
Samtang, nasapwan naman sa salog ang bana nga wala na sang kabuhi kag nakit-an ang homemade nga 12-gauge shotgun sa tiilan sini.*