Sunday, December 4, 2022

MAG-UTOD NGA DARGANI, NADAKPAN SA DAVAO CITY

- Advertisement -

Matapos ang halos isa ka bulan nga pagpangita, nadakpan sa Davao City, Domingo sang hapon ang duwa ka mag-utod nga executive sang Pharmally Pharmaceutical Corporation.

Gindakop sanday Twinkle kag Mohit Dargani sang mga katapo sang Office of the Senate Sergeant At Arms sa Davao International Airport alas-5 sang hapon.

Suno kay Senate Sergeant At Arms Gen. Rene Samonte (ret.), manug sakay ang mag-utod sa pribado nga eroplano padulong sa Kuala Lumpur, Malaysia sang sila ang gindakop.

- Advertisement -

Gilayon sila nga ginbalik sa Manila kag naka-detained karon sa Senado sa Pasay City.

Si Twinkle ang pangulo kag si Mohit ang treasurer sang Pharmally. 

Gina-imbestigaran ang kompanya sa Senado bangud sa ginapatihan anomalya sa kontrata sang gobyerno sa pagbakal sang mga gamit kaangay sang face shield.

Na-cite sang contempt ang mag-utod bangud sa pagpanginwala nga ipasa ang dokumento sang kompanya nga na-subpoena sang Blue Ribbon Committee.

Apang, ginpanginwala sadto ni Mohit nga desisyon sang kompanya kag indi nila.

Samtang, napaslawan ang Office of the Sergeant At Arms (OSAA) nga madakpan si anay budget Usec. Christopher Lao sang ginkadtuan nila ang mga ginasiling balay niya sa Cebu City kag Davao City.

Ginbaton sang isa ka babaye ang arrest order sang ginsumiter sa condominium unit sa Cebu City  sadtong Biyernes.

Ginsiling sang babaye nga wala na nagatinir didto sa Lao kag ginaparentahan na sa iban.

Wala naman sang tawo sa ginatudlo nga balay ni Lao sa isa ka subidivision sa Maa, Davao City nga ginkadtuan sadtong Sabado.

Apang, nakakuha ang OSAA sang certification halin sa real estate company nga nakarehistro kay Lao kag ginapanag-iyahan ni Lao.

May gina-atubang man nga contempt charges bangud sa wala pagsulpot sa Senado ni Lao, ang may uyat sadto sang DBM Procurement Service. 

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

- Advertisement -

Latest Articles