Wednesday, February 8, 2023

PASTOR QUIBOLOY WANTED SA FBI

- Advertisement -

Ginapangita na karon sang Federal Bureau of Investigation (FBI) ang lider sang Kingdom of Jesus Christ (KJC) nga si Pastor Apollo Quiboloy kag duwa sini ka administrator nga sanday Teresita Tolibas Dandan kag Helen Panilag nga ginapatihan yara sa Pilipinas.

Ini matapos nga ginpasakaan sang kaso nga sex trafficking si Quiboloy sang US Department of Justice sa Los Angeles, California.

Kalakip sa ginkasuhan ang pito pa sini ka kaupdanan KJC.

- Advertisement -

Nauna na nga gin-aresto sang mga otoridad sa United States si Felina Selinas alyas `Sis Eng-Eng’, 56-anyos, nga amo ang naga-asikaso sang mga passport kag dokumento sang mga KJC worker sa Hawaii kag taga-remit sang mga nakolekta nga kwarta sa Estados Unidos padulong sa Pilipinas.

Kalakip man sa gin-aresto si Bettina Padilla Roces alyas `Kuki’, 48-anyos, nga amo ang administrator kag financial officer sang KJC kag Maria De Leon, 72-anyos, nga amo naman ang in-charge sa mga peke nga kasalan kag immigration document para sa mga KJC worker.

Nakatalana man nga kumpiskahon ang tanan nga asset sang religious group nga ginapatihan nakuha sa iligal nga pamaagi.

Kalakip diri ang mansiyon ni Quiboloy sa Calabasas, California; balay kag duta lupa sa Las Vegas, Nevada; KJC main office sa Van Nuys, California; mga malahalon nga salakyan kag isa ka eroplano kag helicopter.

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

- Advertisement -

Latest Articles