Sa resolusyon nga ginpagwa sang Inter Agency Task Force, wala nalakip ang malls sa mga lugar nga pwede kadtuan sang mga kabataan sa MGCQ (modified general community quarantine) kag GCQ (general community quarantine) areas.
Indi pwede makasulod sa mga malls ang mga kabataan nga naga-edad 14-anyos panubo.
Ang mga kabataan nga naga-edad 5-anyos pataas ang sarang makakadto sa mga outdoor areas kapareho sang beach, park, playground kag iban pa nga outdoor tourism areas, suno sa resolusyon.
Pwede man ang mga kabataan nga maka biking kag hiking, makapakigbahin sa outdoor non-contact sports kag al fresco dining.
Apang, dapat ini sila ang may upod nga ginikanan, guardian ukon adult. Sa karon, ang syudad sang Bacolod kag Negros Occidental ang ginapaidalum sa GCQ.*
