PAGLUTO SANG ADOBO LUYAG I-STANDARDIZE SANG DTI

Naghimo sang technical committee on Filipino dishes ang Department of Trade and Industry nga magabalay sang Philippine National Standards (PNS) sa pagluto sang adobo, sinigang, sisig, lechon kag iban pa nga kilala nga native dish.

Sa press statement, ginpahayag sang DTI nga nagsugod na ang committee sa paghimo sang standards sa pagluto sang adobo, apang matapos ang duha ka adlaw, ginpakamalaot sang mga netizens ang amo nga tikang.

Pagklaro naman sang DTI, indi mandatoryo ang standards kag ini ang para lamang sa promotion sa international community.

Dugang pa sang DTI, ginporma ang pagstandardize sang pagluto sang adobo kag iban pa nga native dish agud mapreserve ang cultural identity sini apisar sang mga variations sini.