MANDALUYONG CITY– Nangin high-tech, malapad kag moderno ang Mandaluyong City Jail para sa mga persons deprived of liberty.
Suno sa isa ka report, ginakabig ini “state of the art” nga prisuhan kag ini ang pinaka high-tech sa bilog nga Pilipinas.
Ang Mandaluyong City Jail ang may kalaparon nga 2,500 square meters, siyam ka panalgan, elevators, generator, solar panel power backup, sports and recreation, multi-purpose court kag music and arts center.
Nagabalor sang P429 milyones ang pagpanami sang Mandaluyong City Jail sa idalom sang Build Build Build Program sang Duterte Administration.
Suno kay Jail Superintendent Lino Soriano, warden sang male dormitory, luyag niya nga hatagan sang maayo nga kondisyon ang mga PDL sa sulod sang prisuhan.
Sadto, kapin 100 lamang ka mga priso ang ma-akomodar sang Mandaluyong City Jail apang sa karon nagdangat ini sa 1,000 ka mga priso.
Ang Mandaluyong City Jail ang may yara sang CCTV agud bantayan ang mga PDL samtang tubig ulan naman ang ila ginagamit sa pagpanglimpyo sang tagsa ka mga selda.
Dugang pa, ang mga priso ang may yara sang tagsa ka mga hiligda-an.
Apang indi mahidlaw ang mga priso sa ila mga pamilya, nagahimo ang Mandaluyong City Jail sang mga programa agud malingaw ang mga PDL.*
