Outfit ni Marian Rivera nagabalor sang P1.9 million

Nagdangat sa halos P2 million ang outfit sang aktres nga si Marian Rivera sang nagtambong ini sa isa ka event.

Ginpakigbahin ni Marian sa social media ang pila ka mga litrato, kun sa diin makita ang suksok sini nga Jean Paul Gaultier satin dress nga nagabalor sang P113,690, gold chain Tom Ford heels nga nagabalor sang P130,038, kag Louis Vuitton Petite Malle handbag nga nagabalor sang P1,726,587.

Antes sini, ginbandera man ni Marian sa social media ang iya Birkin Himalayan bag nga nagabalor sang $45,000 tubtob $65,000 ukon P2.47 million tubtob P3.56 million.*