Buka ang ulo sang 24 anyos nga manunudlo, matapos nga ginlampusan sang wasay, sang 30 anyos nga suspek.
Base sa imbestigasyo, nagsulod sa kuarto nga gina arkilahan sang biktima ang suspetsado nga construction worker kag gintuyo nga himuslan ang dalaga.
Suno sa mga otoridad, nagbatu ang manunudlo gani ginpatay na lamang ini sang suspek.
Nasapwan ang bangkay sang manunudlo las 10:00 sang aga kahapon, Oktubre 5, samtang ginasaulog ang World Teacher’s Day.
Nakit-an ang biktima nga nagapaligo na sa iya kaugalingon nga dugo sang iya man kaupod nga manunudlo nga magabisita kuntani sa dalaga.
Magluwas sa duguon nga bangkay, nakit-an man sa sulod sang kuarto ang duguon nga wasay kag duguon nga t-shirt.
Suno sa mga testigo, ila nakit-an nga nagsulod sa kuarto sang biktima ang suspek nga si Alvin Errero Yanson.
Ginkilala naman ang biktima nga si Jessica Belches Mangubat nga manunudlo sang San Ramon Institute.
Nagluntad ang makasilidni nga kremin sa Claveria. Masbate.
