Kapin 8.27 million doses sang COVID-19 vaccines nga ginpondohan gikan sa utang sang Pilipinas sa World Bank ang natalana nga mag-abot sa pungsod sa bulan sang Disyembre.
Ginbakal ini sang gobyerno sa idalom sang $500 million ukon P24.2 billion nga utang gikan sa World Bank pinaagi sa COVID-19 Emergency Response Project Additional Financing.
Sa ini nga proyekto, magabakal sang laboratory equipment, test kits, ambulances, medical equipment kag supplies. Pagagamiton man ini para sa mga isolation rooms kag quarantine facilities.
“So that more Filipinos are protected against COVID-19, can resume normal lives and the country can rebuild the economy faster, restore jobs and incomes and ensure its resilient recovery,” pahayag ni World Bank country director Ndiame Diop.
Nag-alokar ang World Bank sang $20 billion para mabuligan ang low kag middle-income countries kaangay na lamang sang Pilipinas agud magbakal kag managtag sang COVID-19 vaccines, tests and treatments, kag pagpabaskog sang vaccination systems.
Lakip sa amo nga utang ang bakuna para sa priority groups kaangay na lamang sang senior citizens, indigent communities, kasunod sang priority groups sang mga manunudlo, government workers, indigenous peoples kag mga nabilin sa populasyon.
