BACOLOD CITY – Nakarekober ang utoridad sang 155 ka gramos ukon P1,054,000 nga balor sang ginasuspetsuhan shabu sa ginpatigayon nga buy-bust operation sa Bliss Project, Barangay 1A sa banwa sang Manapla, Negros Occidental, takna las 2:33 sang hapon, Sabado, Nobyembre 26, 2022.
Ginkilala ang gindakup kay Steve Silava, alyas “Tata,” 36-anyos, isa ka HVI kag yara sa Target List sang Special Operations Unit-6.
Nagpatigayon sang operasyon ang SOU-6 kaupod ang Provincial Drug Enforcement Unit sang Negros Occidental Police Provincial Office batuk kay Silava.
Nakuha kay Silava ang isa ka buy-bust item, duha ka knot tied plastic nga naga-unod ginasuspetsuhan shabu, 10 ka heat-sealed transparent plastic sachets, isa ka P1,000 nga bill, 21 ka boodle money, P250 nga cash kag sling bag.*