Masobra P2 milyones nga balor sang ‘shabu’ nakuha sa isa ka Grade 11 student sa Valenzuela

Nakumpiskar sang mga otoridad ang masobra P2 milyones nga balor sang ginasuspetsuhan shabu sa isa ka buy-bust operation sa siudad sang Valenzuela.

Sa report sang GMA News, gindakop sang Northern Police District sa operasyon ang subject nga ginkilala kay Aaron Timplado, nga isa ka Grade 11 student nga residente sang Caloocan City.

Magapang-atubang ang subject sa kaso nga paglapas sang RA 9165 ukon Comprehensive Dangerous Act of 2002.*