PHILIPPINES – Ginsiling sang Ty family’s Metropolitan Bank and Trust Co. (Metrobank) nga palaparon nila ang ila partnership kaupod ang remittance firm Pera Hub.
Gindugang pa sang bangko nga pwede na makapadala ukon makadeposit sang kwarta ang mga indibidwal sa Metrobank account holders paagi sa Pera Hub’s branches.
Ari naman ang himuon sang mga indibidwal nga kinahanglan magpadala sang kwarta sa Metrobank account holders:
• magkadto sa malapit nga Pera Hub branch;
• fill-upan ang Pera Hub’s remittance form; kag
• ipakita ang isa ka valid ID sa Pera Hub agent.
Pwede makapadala ang sender sang P100 tubtob P25,000 nga may bayad nga P100 pesos kada transaksyon.
Pwede naman i-withdraw sang recipient ang kwarta paagi sa Pera Hub branches sa Metrobank automated teller machine (ATMs) ukon over-the-counter para sa mga may passbook account.
