Mga building sa Indonesia gintay-og sang linog

Nag “panic” ang mga pumuluyo sang nabatyagan ang pagtay-og sa mga building sa Indonesia, subong nga Lunes, Nobyembre 21, 2022.

Base sa datus sang United States Geological Survey, may kabaskugon nga 5.4 magnitude ang nagluntad nga linog malapit sa mga banwa sa sur nga bahin sang Jakarta.

Sa datus naman nga gin release sang Meteorology, Climatology and Geophysics Agency sa Indonesia, may kabaskugon nga 5.6 magnitude ang linog nga nagluntad sa kalayuon nga 100 kilometros gikan sa Jakarta kag malapit sa Cianjur.

Wala pa sang reports angut sa kaswalidad okon kahalitan sa nagluntad nga linog, apang suno sa mga pumuluyo, gilayon nga ginpagwa sa mga matag-as nga buildings ang mga empleyado sa Jakarta.*