Patay ang isa ka first year college student samtang apat pa ang nasamaran matapos sila madalasa sang isa ka elf truck sa sulod sang Cavite State University sa Indang, Cavite subong nga Lunes, Enero 23, 2023.
Suno kay Indang Police chief Police Major Edward Cantano, nagabasa sang libro ang mga estudyante sa main campus sang nasambit nga unibersidad sang hinali nga nag-andar ang truck apisar nga wala sang drayber.
Ginpahayag naman sang drayber nga si Federico Bakulan, nagadul-ong sila sang tubig sa unibersidad kag nalipatan niya nga bangilan sang bato ang ruweda sang truck.
Bangud papanaog ang karsada, madasig ang nangin dalagan sang truck apisar nga nakapatay naman ang makina sini tubtob nga mabungguan ang mga estudyante.
Yara karon sa kustodiya sang Indang Police si Bakulan samtang ginabulong pa ang apat ka estudyante sa ospital.*
