Dakup ang tatlo ka lalaki sa ginpatigayon nga buy-bust operation sa atubang Magikland, Carmela Subdivision, Brgy. Guinhalaran syudad sang Silay, Negros Occidental, takna las 4:10 sang hapon sini nga Lunes, Enero 23, 2023.
Ginkilala ang mga suspetsado nga sanday Rolito Duca, 43-anyos, residente sang Brgy.6 sa syudad sang Silay; Mardy Sayson, 46-anyos, ginakabig; kag Romel Britaña, 34-anyos, pareho residente sang syudad sang Bacolod.
Si Duca ang ginakabig Street Level Individual (SLI) samtang Newly Identified Drug Personality naman sanday Sayson kag Britaña.
Narekober sa mga suspetsado ang 9 tanan ka pakete nalakip na ang buy-bust item sang ginasuspetsuhan shabu nga ginabulubanta nagabug-at sang 8 gramos kag nagabalor sang P54,400.
Magluwas sa suspected shabu, nakuha man ang P3,600 nga buy-bust money kag pila ka non-drug items.
Magapangatubang ang mga suspetsado sa kaso nga paglapas sa Republic Act 9165 ukon Comprehensive Dangerous Drugs Act of 2002.*