Bacolod City, Negros Occidental–Isa na makayami nga bangkay sang masapwan sa sulod sang CR ang 22-anyos nga lalaki sa Brgy. Granada kahapon sang hapon Enero 23.
Sa interview sang Radyo Bandera Bacolod kay Police Station 5 commander Police Major John Christopher Masangkay, nasapwan na lamang sang live-in partner nga nagabitay na sa sulod sang CR ang biktima gamit ang ginapahayag ‘improvised cable’ nga ginagamit nga halayan.
Base sa inisyal nga imbestigasyon, Domingo sang gab-i Enero 22, nagkadto ang biktima sa balay sang iya nga live-in agud kuntani nga makigbalik apang indi na luyag pa ang babayi.
Lunes sang aga, naghalin ini sa balay kag wala nakahibalo ang iya nga live-in kun diin ini nagkadto.
Las-10:00 sang aga naghalin naman sa balay ang babayi kag sang nakapauli ini sang hapon pagbukas niya sang ila CR didto niya na nakit-an ang lalaki.
Suno kay Masangkay, problemado ang biktima sa iya nga pamilya, relasyon kag sa kwarta.
Ginabulubanta sang kapulisan nga yara na sa tatlo tubtob apat ka oras nga patay ang biktima antes ini nga masapwan.
Nagpatawag naman sang SOCO ang Police Station 5 agud nga magproseso sa ginluntaran sang insidente agud nga masiguro nga wala sang foul play nga natabo.*
