Kabahin na sang joint peace and security team nga gindeploy sang military ang 15 ka anay miyembro sang Moro Islamic Liberation Front (MILF).
Ini ang ginkumpirmar ni Maj. Alfredo Rosario Jr., chief sang Western Mindanao Command sa ginpatigayon nga deployment ceremony.
Makaupod sang 15 ka ex-rebels ang tropa nga ginahimo sang pito ka army soldiers kag walo ka pulis nga magapatrol sa Tungawan, Zamboanga Sibugay.
Suno naman kay Col. Antonio John Divinagracia, deputy commander sang 102nd Infantry Brigade nga nakabase sa probinsya, kabahin sang peace-building efforts sang gobyerno ang deployment sang mga anay rebelde.
“This is a great stride towards the attainment of our coveted peace not only in the Bangsamoro, but the entire Mindanao region,” pahaya ni Divinagracia.
